噚晚去唱K之前，阿S同我講佢發現咗一D關於佢個土耳其男友嘅野，講講吓佢就話俾我知佢之前去玩過塔羅牌 blah blah blah... 然之後我當然要八卦問吓準唔準啦，問問吓搞到我又好想玩吓嗃，跟住我哋就即刻去咗廟街玩，就咁樣我就响廟街到冇咗我隻占卜豬喇... :P 因為我咁大個仔都未正式玩過依D野... not even 求籤、睇相同算命等等...排緊隊嘅時候，我開始構思我嘅問題，當然我係諗住問吓我嘅戀愛運啦，去嗰度嘅objective嚟架ma！但係諗諗吓又好似好唔實際咁，同埋*男人老狗*走去問愛情... UMM好似有DD樣衰 :P... 咁咪諗住問吓事業囉，不過阿S話佢之前都問過事業... 但冇咩特別... 經過阿S一番鼓勵同勸導下，基於詢眾要求，我就唯有問返愛情啦... 嘻嘻！
由於嗰條神婆法力有限，只可以問3個月內發生嘅事，咁我咪問年底前有冇拖拍囉... *冇！* 唔需要幾秒睇完D牌就答我... *冇！* 喂，你唔好再直接D！少hurt架ma... 佢下一句就補充話因為我放唔低先前嗰個 (係咩?!?!?有D拱嘅樹??)，不過霧水情緣就有，唉... 都好過冇啦... :P 跟住佢就叫我抽一隻牌出嚟，而依一隻牌就會係塔羅俾我嘅提示！我抽出嚟嗰隻係皇帝，咁我就問佢我隻牌咩意思啦... 佢立即面色一沈，話我太過執著於之前段感情嘅事，遇到個新嘅就會攞嚟比較... 就算嗰個人點好我都會覺得唔好... that's why *冇！* ... mmm.. 又啱噃！唔怪得我咁煤啦...
之後成晚阿S就以為我唔開心 (其實我又冇野喎！) ... 佢最尾就搵機會贈咗2句歌詞俾我 "The best... is yet to come... 最好的... 尚未... 來臨..." 嘻嘻！好sweet呀，thanks muah！
No comments:
Post a Comment