我哋個個都有做錯過野嘅時候，唔多唔少亦可能會怪責自己，但人誰無錯呢？最重要嘅係知錯能改！不過對於某D知錯唔改或永遠都唔會覺得自己錯嘅人，我就覺得有D唔掂喇... 嘻嘻，近日小弟發現咗兩個唔可能嘅錯，想同大家分享吓！首先就係今日响公司 (係！冇錯！我已經搵到工仲返緊tim喇 :P) 收到一份由一間超大大廣告公司send嚟嘅文件，我睇睇吓嘅時候，俾我發現咗文件上面有一隻錯字*Specufucation*(見圖1)，哈哈哈哈哈哈... 相信佢係想寫*Specification*啦！當我諗起個錯字嘅發音嘅時候我就不禁笑咗出嚟... "WHAT? Spec‧cu‧fuck‧ca‧tion???" @_@ 依個錯當然係唔可以接受啦，作為一間廣告公司，佢哋係suppose對文字嘅野比較敏感 (因為都會間唔中做吓proof-reading架嘛！)，仲要係超大大嘅廣告公司喎，就更加唔應該啦...
另外一單仲搞笑，HBO話晒都係全球知名嘅電視台，right？竟然當我响上個weekend第4次翻炒我最喜愛而HBO都算幾收得嘅電視劇《Sex and the City》途中，俾我發現第2個Season某一集裡面有個*穿崩*鏡頭！！話說當Carrie寫緊佢個column之際，我見到佢後面個電視機反映到有人*遞咪*(見圖2)，呵呵呵呵呵呵呵呵！一個咁勁嘅電視劇响出街之前唔係已經俾唔同嘅人睇過幾百轉架喇咩？？Umm... 所以話呢，佢哋依D咁Professional嘅都有錯嘅時候，自己做錯少少野又如何？！？Relax吓啦 :P
No comments:
Post a Comment