啱啱過去嘅一個禮拜可以話係我今年裡面過得最充實嘅日子，job interview每日都排得幾密，仲辛苦過返工！加上每次都希望响事前做足準備功夫嘅關係，根本就冇多餘嘅時間可以俾我再搵其他工...... 兩字記之曰：「超攰！！」不過，透過每次interview嘅經驗，的確令到我嘅 interview + presentation + negotiation skills 進步咗唔少！另外，亦令我更加清楚自己嘅優點同缺點係咩... 呵呵呵... 而最重要嘅係，我終於搵到我條羽毛嘅下落喇！！！！﹝註：羽毛乃雙子座今年嘅幸運物。﹞話說... 响前日，我去咗一間我夢寐以求入去做嘅公關公司見工，我同嗰個貌似*連凱*嘅interviewer一見如故，嘻嘻，太誇喇！其實佢host個interview嘅主要原因係睇過我以前做嘢時寫過嘅嘢之後，佢覺得好impressive，angle攞得好好，到位... blah blah blah，總之就讚口不絕啦！然之後佢就好想睇吓寫嘢嘅人﹝即係我﹞ 究竟係人個點嘅人，that's why...
自從見完佢之後，我覺得我都好應該去練好D我支筆，因為要做一個好pro嘅PR同埋如果遲D真係要讀communication嘅話，*寫好嘢*係最基本嘅... 所以，我一直都記住連凱對我講嘅說話。點知今日去書局，見到一本叫《德語課》嘅文學小說﹝因為我一直都好好好好好好想pick up返D德文所以先有想-睇-吓依本書嘅衝動﹞，當我一睇到個*序*嘅時候，所有有關*羽毛*之謎嘅終於解開喇！！個*序*係「作家的筆，是鳥的羽，載我們回到心靈最深處，築下永恆的巢。」
依幾日發生嘅事，我覺得上天好似已經安排咗要話俾我知我要搵嗰條羽毛嘅真正內在意思係咩咁... THANK GOD！
No comments:
Post a Comment