C

有歌詞形容 “思念是一種很玄的東西”，你呢？你覺得係咪呀？

我當然覺得係啦！我認為思念並唔係一種空想，而係一種無形+實在但又唔屬於我哋隨便觸碰的東西，因為每當我哋的心靈唔夠營養時就好難去駕御佢... 佢產生的同時，會勾起你一絲絲的回憶同幻想﹝有時候甚至帶有希望﹞，你，就會隨著那個回憶同幻想徘徊... 而那種實在感，譬如話... 那個回憶係好warm的，你便感到好舒服；如那個回憶係好sweet的，你就會笑咗出嚟；如那個回憶係唔開心，你一個唔覺意就可能會令到自己唔開心 et cetera :P

想像力高超的我，成日幻想我哋所擁有的蔚藍色天空下，其實已漫天佈滿咗我哋肉眼睇唔到又摸唔到，好似絲一樣的白線，而這些白線就在天空上記下了我哋思念的符號，連繫著地球每個角落... 想像到嗎？

傻傻的我亦相信思念都係一種 communication，係收得到的，就好似 send email、SMS or 打電話咁... 如果雙方都真係好掛住大家的話，其實係會知架... Of course你係冇得*REPLY*架啦！Haha

懂得欣賞思念背後的故事、動機及創造那條白線的動作係一件浪漫得很的事，而能夠思念某人亦係一種幸運，一種幸福，這證明你在世上曾經有過了最少一段美好的時光，那還不夠嗎？