諷刺文盲 "Section J - Yahoo Recap"：堅定不移

是日精選 [堅定不移] jian ding bu yi

解釋：十分堅定，毫不動搖。多用於形容意志、立場、主張等。[移：改變]

***雖然而家依唔係一個right timing去post返依個entry，說來真係有點諷刺，不過... 我寫依個entry嗰時真係有過堅定不移嘅一刻架! :P

J例：前日唔知點解無端端响個blog度加咗*我的心情*之後，每個entry嘅字體就變晒形，完全唔係default嗰啲!! 搞到我好Q煩!! 對某啲人嚟講可能覺得係雞毛蒜皮嘅事，又何足掛齒? 但對我嚟講... 算不上大件事，不過都唔算係一件小事。因為佢原本唔係咁，就唔應該係咁! 再加上可能係我為，又可能係Yahoo個server嘅所為，更加不得不查個清楚明白! 因為如果係咁樣... 最終係會令到我放棄依個blog... !!! 基於我係一個電腦白癡，所以有關電腦上唔明嘅嘢我都係要去問人，但答案離唔開"佢要係咁都冇辦法喎... 電腦嘅嘢佢要*sought*起上嚟都冇佢*扶*..."等等... 總之一句到尾：問道於盲! 又有人話"算啦，接受佢係咁啦!" 哈哈哈... given我個電腦裡面有個software要我reinstall多次我都情願format過部腦啦，試問我又點會呢?? 雖然我好desperate，不過我堅定不移，最後send咗個email到Yahoo問過究竟搏一搏! 好好好出乎意料地轉個頭Yahoo真係覆我，仲要一來一回分別覆咗兩次咁多，喂... 星期日嗃!! MUAH.. THANKSSSS Yahoo!! 不過都係要等...

p.s./ 其實都冇諗過自己有時都幾處女(座)，但心知mentally同physically都唔係!! 嘻嘻嘻!!