明月一輪‧圓滿中秋

雖然很累，但是值得的。

這個中秋燒烤活動終於完滿結束，出席的人數不是很多，卻總算高朋滿座，感覺仍一樣親切，氣氛依然。成就我們渡過這歡愉的時光，還是要感謝朋友C的朋友K，若不是他的慷慨，願意借出這溫馨小窩，恐怕都未能有機會享受這個月光浴! 謝謝!

中秋為中國情人節，人月兩團圓，除了我和主人家的那隻黑毛尋回犬外，每個人都是成相成對，有的已結婚、有的將會結婚、有的仍然蜜運中、有的新歡上陣，自己心底裡也不禁替他們開心起來，更想起鄧麗君的... "人有悲歡離合，月有陰晴圓缺，此事古難全，但願人長久，千里共嬋娟。" 送上祝福。

2008年的中秋節，一切圓滿!

諷刺文盲：喜出望外 (中秋節快樂版)

是日精選【喜出望外】xi chu wang wai

解釋: 遇到出乎意料的好事而特別高興。(望外：期望或意料之外。)

J例: 每年嘅中秋節，BBQ對我嚟講係一個不可缺少嘅節目，因為我喜歡熱鬧，而BBQ正正可以產生出非常好嘅氣氛... 不過，前幾日我收到一個通知，由於地方問題，今個中秋節嘅BBQ要取消!!! 當時我的確有一點兒嘅失落，唉... 每逄佳節倍思春(春即指小弟尚青春嘅時候...)，不禁令我諗起以前中秋都會同一班朋友到西貢大坳門BBQ、講鬼故、發癲一番。直到今晚，我同J Family做節，我個最好朋友C話另一個朋友C個朋友K嘅屋企available，我哋可以去佢屋企燒嘢食食食食，呵呵呵呵呵呵呵呵呵呵呵呵呵~ 實在令我喜出望外，嘻嘻嘻嘻嘻!!! :P:P:P:P:P:P:P 祝大家中秋節快樂!!!

Movie Review: 10 Promises to My Dog 我和尋回犬的十個約定

今晚啱啱去完《10 Promises to My Dog 我和尋回犬的十個約定》嘅首映，去之前已經同朋友W講：「我一陣唔睇得咁投入應該okay!」睇完之後我第一句就講：「仆街... 我以後唔睇依啲戲!」因為我又係喊到豬頭咁行返出嚟... 套戲好好睇，好感人，我相信佢比起《導盲犬小Q》已經冇咁慘! 其實我覺得套戲可以啟發觀眾嘅唔單只係*愛狗*嘅訊識咁簡單，仲可以啟發到觀眾對佢哋所愛嘅任何嘢(可能係寵物、朋友、父母、男/女朋友等等...)嘅責任，唔好愛得太遲，因為人都只係活响時間裡面，每個人都有限期...

Ohohohoh... 唔好講得太遠，um... 我覺得特別適合想養小動物同一啲有寵物嘅人去睇，因為佢喺度educate緊觀眾點去對小動物有責任之餘，亦係remind緊你有幾愛你而家嘅寵物，以當中嘅*愛犬十誡*作警惕同反省。而身為主人嘅我，覺得自己都有80-90分嘅...

愛犬十誡 (以動物為subject...)：

1. 請耐心聆聽我的話語 (我相信如果你真係have this thing about animals，你好自然就會明白依一點。我覺得可以理解為同理心。)

2. 相信我，因為我一直都與你同一陣線 (我由小丙2個月大就已經養佢，好難會唔信架嗃...)

3. 經常和我遊玩 (依樣係我唯一對唔住我BB嘅一樣嘢，佢細個嗰時我冇帶佢出街，搞到大個咗佢唔鍾意出去，一抱佢出門口佢就扮無力一嘢就瞓低! 不過，我每日响屋企都會同佢玩，有時我甚至唔出街都係想留多啲時間陪佢，特別係依幾年!)

4. 別忘記我也有感情的 (都係嗰句，如果你係對動物有*FEEL*，只要細心觀察，好容易就會sense到佢哋嘅喜怒哀落同知佢想點囉!)

5. 不要和我打架，因為終有一天我長大了，我便會贏的 (我好少打BB，因為唔捨得... :P)

6. 我不聽話的時候，一定是有原因的 (依個我信，因為動物嘅反應係最真嘅! 所以我俾BB咬我塊面2次，每次要縫7-8針我都冇怪佢! hehe!)

7. 你上學，有朋友，但是我... 就衹有你 (當我每次出國，一落機我最想見唔係任何人，而係我個BB!)

8. 我老了以後亦請繼續做我的朋友 (OF COURSE!!!)

9. 我衹活大概十年，所以要珍惜一起生活的每一刻 (依個係我近年成日諗嘅問題，BB差唔多已經15歲，身體機能開始退化，雙腳開始無力... 帶佢去睇獸醫，獸醫都話係老狗病，我可以做嘅就係令佢開心過每一日，同埋學習面對生離死別... V_V 不過好彩佢冇啲咩病痛!! THANK GOD!!!!)

10. 我不會忘記一起渡過的日子，我死的時候，請留在我的身邊 (聽人講如果啲狗係好鍾意個主人，佢哋死嗰時係唔會俾個主人見到... 不過點都好，我就算點唔開心同難過，我都唔會俾BB咩嗰時係自己一個...!!!!!!)

**請留意圖中隻貴婦狗個頭係正方形!!! hehehehe!!!

四川第五天：十里不同天

話明standby就梗係晨咁早仆起身等通知航班嘅消息right?! 咁我哋就0630到餐廳邊食邊等安排... 直到0700，終於有最新航班嘅消息，不過... 機場就... 落雪! 嗄?! 完全諗唔到點解會無端端落雪，我哋望出窗口都只係落緊毛毛雨，而酒店同機場又唔係差好遠... um... 依獲真真正正見識到四川嘅*十里不同天*之妙! 十里不同天指十里外天氣嘅變化可以係完全唔同，仲有人話九寨溝係一個一日可見四季之地，真係點都料唔到當今世上仲有一樣嘢可媲美小弟心情嘅變化!! 呵呵呵!!

沿途到機場嘅時候，有個重慶女人講電話，佢好大聲咁講話：「這個九黃機場(即九寨溝黃龍機場)有十架飛機九架黃，還有一隻要折返!」哈哈哈哈哈哈哈哈哈... 笑Q死!!! 冇幾耐就停咗雪，最後，我哋當然好順利咁飛返香港... 希望四川嘅前景亦都會同佢嘅天氣一樣*十里不同天*啦!

四川第四天(下集)：一次難忘

行完黃龍，原定今晚搭飛機返成都，非常開心(但開心得太早...)，到咗機場冇耐就傳嚟惡號... "因天氣關係，由成都開往九寨溝的CA XXX航班暫時不能降落本機埸，航班將會延遲兩小時... (半個鐘後)... 因本場天氣未能達到飛行標準，由成都開往九寨溝的CA XXX航班將會折返成都，請到一樓拿回您的行李，若有航班更新的消息，航空公司會盡快跟您聯繫，謝謝。" 所以我哋成團人都被安排到機場附近的旅館住宿一宵，standby等消息... 最擔心嘅係成都唔係日日有機飛香港，如果meet唔到聽日嗰班咪大獲?!!

上咗旅遊巴之後，我哋一直討論航空公司會安排我哋住咩旅館，話就話4星級，但我哋都有一種不詳嘅預感!! 果然不出所料，依間酒店差到爆燈，我覺得2星級都俾多佢，環境惡劣，衛生更加唔洗講，仲有一陣濃烈嘅臭味... 一入到房，冇冷氣，隻窗又冇鎖，天花嘅燈膽只得一個係work... 床頭嗰2盞壁燈仲驚，壁燈上面有2款燈式，其中一邊嘅燈罩已經崩晒，只要用隻手指輕輕咁掂吓佢，就成個壁燈倒轉，而個燈罩就直插落枕頭中間位置，命中率100%!!! 個廁所亦唔惹少，第一眼望住佢就好似望住個公廁咁，望多一秒就好似啱啱地震完咁... 成個浴屏跌咗落嚟，個毛巾架又係咁! 小弟又人有三急，梗著頭皮都要去放放水，點知一企埋個屎塔旁邊已經聞到好*壓*，去完返出去嗰時見到門後有一塊6呎乘2呎半嘅塵，去完廁所都想嚟多個second*尿震*... :O!!

間嘢咁樣我哋當然冇住啦，於是就book咗另一間酒店住... 估唔到最後一晚响九寨溝都有一個咁難忘嘅經歷!! haha!!

四川第四天(上集)：情斷黃龍

好... 今日再創新早，0530起身，雨粉飛飛，向素有中國棉花堡之稱嘅黃龍出發...!!

可能大家都太眼訓，出發時都冇特別被brief去到黃龍會係點，所以我咪諗黃龍大概同九寨溝差唔多，唔洗點行，都係睇吓山水就算... 點知... 臨落車個導遊話：「嗱，你預個半鐘頭行吓，再用一個鐘頭落返嚟，我就唔行喇，你哋慢慢嘆!」初時我喺度諗點解佢會咁講，有啲怪味，但我冇理佢就行咗去睇吓塊地圖牌，發現原來傳說中嘅人間瑤池—五彩池—喺海拔3500米高嘅山頂，而當時我哋只係响風景區嘅門口，海拔3000米，又唔可以搭cable car，因為好易有高山症，咁到底要行幾多呢(皆因我冇idea500米實際有幾高，總之就高啦...)??! 所以初時我都係好興致勃勃咁行，好似平時行山咁，又邊行邊影...

行行行行行行行行行行行... 行到見到一個叫*金沙舖地*嘅景點，我就忍唔住去問返落嚟嘅人到底仲有幾耐會見到五彩池，阿叔話：「你現在走了三分一!」我立即面都青埋，我心諗：「天啊啊(俾少少雷聲，唔該!)!! 試問我依個弱中年又點可以孭住個7.1磅嘅beams boy包包行埋嗰三分之二呢??!!!」邊行邊自怨自艾之際，又俾我行到另一個景點*爭艷池*! 依個衰池又真係幾靚，一層一層咁，仲加埋個山景，好似一幅畫咁!! 真係靚過土耳其嘅棉花堡!! 不過我真係唔想再行，但唔行又唔得，因為我要影相交功課... 再望望錶，仲有半粒鐘，睇吓行到幾多得幾多啦...

就係咁我就經歷咗三埸突如其來嘅滂沱大雨，一嘢就跑咗上去五彩池(見圖1)! 不過都好，上咗去之後我就知道我遲啲去拉薩有望，因為拉薩喺3800米，如果上到3500米都冇問題，咁就應該冇問題!! hehe!! 之後我就用咗一粒鐘跑落山... 但係... 今次一行，我就唔見咗我上年响東京買嗰條burberry毛巾仔，因為今朝怕俾雨淋到我部全世界最好嘅相機，又驚凍親佢，所以用咗條毛巾仔去包住佢... 我哋就咁情斷黃龍... 唉! 又要搵次去日本買過... V_V"

四川第三天：踏上茶馬古道

YAWNNNN~~ 好Q眼訓，唔知點解噚晚突然失眠，攤响張床度成3粒鐘先訓到，今朝又0630起身出發到九寨溝... 想死...!!!

今次我哋住嘅酒店係位於海拔2XXX米高嘅九寨天堂洲際大飯店，酒店三面環山，好似响個峽谷中間咁，係九寨溝最新建嘅酒店。唔好以為响荒山野嶺個酒店會好雞，依間嘢一啲都唔雞，一入房真係有個*嘩*一聲嘅感覺，不過間房嘅燈光就暗咗少少! 我最鍾意個露台，前面一大堆樹木，左面一大座山，勁壯觀囉!

Hehehe! 仲有，酒店嘅老闆係一個超級車癡，响大堂前就泊咗架橙色嘅Lamborghini!!! 超型呀!! 其實由噚日落機到而家，沿途睇咗唔少風景，九寨溝so far俾我嘅感覺好似蒙古+雲南+西藏，oh right... 有好多人都叫依一帶做*東藏*，因為實在太有藏族風情!!! 九寨溝位於阿壩藏族羌族自治洲的中南部，海拔約3100米，因依度有9個藏族村寨而被命名為*九寨溝*。

九寨溝的嘅地形係個英文字母「Y」字，一共有118個翠海(翠海即係呈清藍翠綠色嘅湖泊! 當地人稱湖泊為海因為佢地鍾意海，而山上冇海!)，出名嘅如熊貓海、箭竹海、花火海、諾日朗瀑布及珍珠灘等... 而每個景點之間都有免費環保巴士坐，根本唔需要點行! 同埋正就正在而家啲人驚地震，所以冇咩人嚟，可以鍾意點影就點影!! HAHAHAHA~

不過今日行程中令我最開心嘅並唔係睇到九寨溝有幾靚，而係自己有機會踏足茶馬古道!! 寫之前本書嗰時已經有提過茶馬古道係咩，簡單

嚟講，佢係古時一條從雲南到西藏拉薩嘅小路，依山而建，蜿蜒曲折，就連1:10000嘅地圖上都搵唔到，係以往雲南與外界溝通嘅橋樑! 响搵資料嘅時候已經被茶馬古道深深吸引，好想去雲南搵一搵依條路出嚟... hehehe不過點都估唔到去九寨溝時，不知不覺就踩咗上茶馬古道嘅九寨溝段!!! 超開心!!! 呀.. 補充少少嘢，小弟問過導遊，其實而家仍然可從雲南嘅茶馬古道通往九寨溝，不過就要行三年!! hahaha.. 咁樣慢慢行，一定唔會有高山反應.. hehe!! 下面就係一啲九寨溝相，但影得最好嘅我已經留咗俾報館，可以post出嚟嘅相片質素都係一般，唔好意思! hehe :P

四川第二天：我和晶晶有個約會

今次都係我咁大個仔第一次睇熊貓，雖然海洋公園都有，但次次去到都冇衝動去睇吓，而今日終於有機會去到熊貓嘅發源地四川睇一睇，好嘢!! 今日去嘅係成都大熊貓繁育研究基地，位於成都近郊，係一間非常方便同出名睇熊貓嘅地方，而北京奧運五妖福娃之一嘅”晶晶”亦係住响依度!! 晶晶今年... 唔記得幾多歲 :P，屬成年熊貓，睇到佢就完全明白點解當初會搵佢做福娃嘅藍本，因為晶晶係一隻有過度活躍症嘅大熊貓，要不停咁玩玩玩玩玩玩玩玩玩，直至玩到肚餓先可以停落嚟，真係好Q CUTE架!!!

下午搭咗40分鐘內陸機到達九寨黃龍機場，我同包包(今次嘅旅伴又係依個黑色Beams Boy包包，見圖2，重7.1磅，我就係孭住佢四圍去... V_V")安全著陸! 九寨溝嘅天空一片蔚藍，雖然有啲涼，不過空氣非常清新，未有高山反應，只係感到呼吸有啲重... 希望旅程一切順利!

四川第一天：一切還好

2個幾鐘就抵達成都，因噚晚訓得唔好，上機又俾人編咗坐aisle seat，仲要坐响2隻壞嘅大喇叭隔嚟(因為佢地把聲實在太刺耳!!!)，唔能夠專心take個nap，實在有啲pissed... 不過算啦，無謂俾依啲人影響心情嘛! 一落機第一件事要做嘅，當然就係要望吓個天—白色，已經見唔到一*舊舊*雲，只係感覺到有一大*塊*雲壓响成都上面! @_@" <-- 飈汗!

中午放飯時，由於小弟嘅任務係見嘢就影咗先，所以第一餐食四川菜又點會放過?! 於是就安排咗上菜前先俾我去第二張枱影相! 影呀影呀影呀影呀，我又唔好意思，驚人家肚餓，咁我就叫人將影完嗰啲菜上先... 點知... 一影完返埋位就發現枱上可以食嘅全部都食晒，一件不留，團友勁冇品，嗱... 依啲就叫做"各人自掃眼前餸，莫管他人食唔飽"囉! 唉... 不過我專業同大量，畢竟依班人都要對幾日，無謂面阻阻啦，所以我冇講過任何嘢!!! SEE! That's why我去旅行係唔會跟團!

今日的行程裡面聽咗唔少關於成都嘅故事，當中最為人作熟悉嘅就梗係《三國誌》! 因為成都係三國時代嘅首都，有唔少由三國時代保存至今嘅文物同古建築，每個角落背後都有一個關於三國嘅故事。成都雖然係一座古城，但市內有特色嘅小店，超型嘅餐廳、Cafe等都絕不比北京及上海遜色! 而且成都人好nice，冇(某部分)北京人咁吋，亦冇(某部分)上海人咁狡猾，總之一切還好。

出發前都有擔心會見到一啲唔開心嘅四川人，不過嚟到之後發現其實佢哋係好積極同樂觀，好值得我哋去學習。地震後傳出唔少笑話，如... 張藝謀導演為成都拍攝宣傳片時，表達咗佢都成都嘅感覺：「成都是一座來了就不想離開的城市。」地震後，成都人就話：「成都是一座來了就逃不開的城市。」因為四川是盆地，而成都喺正中央! 哈哈! 另外，有一個老伯响災區被2位俄籍的拯救人員救出，老伯的第一句話就係：「噢，這個地震那麼厲害，把我震到國外去了!」嘻嘻嘻嘻!!! 仲有一個，有個黑人地震後從某酒店跑出嚟，而救護車剛好到場，救護人員好驚訝咁話：「嘩嘩嘩，那個人燻得這麼黑還可以跑得那麼快!!」嘻嘻! 無論笑話是真是假，從中可以睇得出佢哋想要嘅就係一點點嘅歡樂。

F‧R‧I‧E‧N‧D

朋友之間嘅關係可以是千變萬化，好多種...

1.有啲唔會成日見，但一見面或聽到對方把聲就會感覺好親切，好似親人一樣，咩嘢都講

2.有啲臭味相投，成日去街，吃喝玩樂，亦可以坦成相對

3.有啲好少見一次，唔算太熟又唔算陌生(即半生熟)，但一見或偶爾講電話就有一大堆話題，可以分享個別心事

4.有啲素未謀面，好似你同我咁，卻可交換生活軼趣同埋某啲心底話

5.有啲一見面就上床，做完就落床，再見再做嘅朋友

而我其中一個朋友阿M，就係第3種。我認識佢係幾於工作理由，局住要同佢social、出差等等，不知不覺就傾多咗兩句。同佢經歷過唔多，但亦唔算少，每一次都刻骨銘心...

-試過同佢响蒙古嘅草原上，凌晨4點幾，摸黑揸住架四駒車去睇日出... 騎馬仔同玩駱駝...

-試過同佢响哈爾濱睇冰雕，變冰條

-試過同佢响泰國西北面嘅一個熱帶雨林，攀山涉水，避吸血蟲蟲<--唔記得嗰啲叫咩嘢

-試過同佢一齊俾人認錯我哋係泰國人

-試過同佢一齊被迫去咗個exhibition，一齊"OH"咀，唔知做咩

前陣子同佢傾電話講開一啲關於人與人之間思想衝突嘅問題，對於某啲事，我覺得佢比我睇得更開，更豁達。收線後，我左諗右諗，終於俾我悟到點去接受一啲supposed自己完全係接受唔到嘅道理，又稱歪理，講到底... 都係要多謝你，阿Mmmmmm!

Photo by Pink Sherbet Photography, flickr

散散心

小弟喜歡大自然，特別是天空、花草、光、風及空氣，更被自然界的魅力及生命力深深吸引，所以一有時間，我便會到郊外行山探探這位朋友，一解煩憂。加上我鍾情攝影，透過行山活動，邊行邊影，可讓自己慢慢享受及欣賞大自然之餘，亦可趁機放慢自己的步伐，鬆一鬆 :P

位於香港南部的龍脊(即石澳海灘後面的那座山的山脊)，是一個初級行山者"必行"的路線。山路平坦易行，上斜坡的路還舖上了呈樓梯形的木板，根本不費吹灰之力便能登上脊上！居高臨下，可飽覽石澳及大浪灣全景，若以"付出"及"回報"來計算，這個投資的回報絕對是100%零風險呢！眺望石澳那邊的景緻，驟眼間有如置身希臘，一間一間小白屋盡收眼簾！走過龍脊便可往下走，直出石澳道，全程約兩至三個小時。小弟行完之後還跟朋友W到石澳海灘同陽光玩遊戲！！

在香港這個小小的城市裡，見人多過見樹，不過其實還有很多自然風光等著人們去欣賞及珍惜...

諷刺文盲：畏首畏尾

是日精選【畏首畏尾】wei shou wei wei

解釋: 前也怕，後也怕。形容怕這怕那，顧慮太多。(畏: 害怕。)

J例: 二十世紀，男歡女愛，易聚易散，實屬平常。二人戀愛，三人同床，換夫換妻，屢見不鮮。歪風氣盛，一時糊塗，是對是錯，不願置評... 不過! 做事前理應三思，如果要為一刻的歡愉而去偷食，必須勇敢地面對有可能發生的後果。若是有膽子去做，但又要驚，畏首畏尾，那你不如乾脆地去發一個春淫綺夢罷了!

Photo by someone from flickr (SORRY!! Forgot to write down your ID!!)

天啊!!! 它來了!!!

昨晚收到了由SPCA(愛護動物協會)發過來的邀請函，內容主要是關於他們即將舉辦一個《10 Promise to My Dog 我和尋回犬的十個約定》的電影Gala Premiere籌款活動，希望我們可鼎力支持! 當然當然... 我有能力就一定會*鼎*，只是我怕我*頂*不了! 認識我的朋友應該都知道*動物電影*對我來說是比起*鬼片*更恐怖... 事關我每次只要睇到有少少關於*動物*的電影或電影節目，一有什麼風吹草動，我便會哭得死去活來，來回地獄又折返人間，來來回回廿幾次!! 哈哈... 的確有一點誇張，但我真是會哭得很厲害，所以沒有什麼特別事幹，我還是不會跟Discovery Channel打交道 :P

經過連番的內心掙扎，我還是決定要去睇一睇... 如果你們都想join我去的話，請於8月24日(星期日)或之前留言給我啦!

電影: 10 Promise to My Dog 我和尋回犬的十個約定
日期: 08年9月9日
時間: 晚上9.30
地點: 銅鑼灣時代廣場UA
門票: $400 (*入場人士可獲《我和尋回犬的十個約定》gift set一套。)

一句

小弟自問不是一個*面子當飯食*的人，因為我清楚明白*朋友*二字對自己是如何重要，若因為純粹觀點與角度的問題，而一時之氣跟朋友作出一些無聊、無謂及沒有結果的爭呦，或許破壞彼此的關係，我想我做不到。相反，我採取的態度只會是對事件不作出任何回應罷了，你說你的，我想我的，然後let it go... 好讓大家落台。

加上我是一個對自己非常老實的人，如果我做/說錯了任何事情，我會認錯，而去面對及承擔自己間接/直接造成的結果，亦不介意搭個下台階給別人，因為我略懂人情世故。雖然有很多時我會對任何事情不斷囉嗦著:「點解咁架?! 有冇搞錯?!」，理由是我是一個不折不扣的完美主意者，對很多東西都十分picky :P 正因如此，對於一些不了解我的朋友會覺得我是一個angry person，但諷刺地... 他們並不意識到我下一秒已把這些事情忘記得一乾二淨。不是我不想記，而是我真的記不起。所以我常常有勞某幾位朋友回答我這些問題:「點解我嬲佢? 點解我會delete佢?」等等...，不久又跟那班所謂*被我嬲過*的人聊個痛快，而這種auto-selective memorizing skill可說是我天生的本領! 嘻嘻! So... *面子*對於我來說是沒太大價值的東西!

不過，最令我討厭的，便是那些不肯去面對自己錯誤的人，就連台都搭好了，他也看不見，甚至不願落台... 那我只會做的，便是把搭好的下台階拿走，好樣他永遠留在台上。

落台者好，搭台者好，都只是簡單的一句說話就可以break the ice, why don't you?

Photo by Leoo, flickr

Movie Review: La Lingerie 內衣少女

上星期同朋友W很無聊閑*Hea*地去睇《La Lingerie 內衣少女》，因為近期比較好的電影不是看過便是即將上映，所以這齣戲是唯一的選擇。當小弟以每步0.1秒的摩打腳速度衝入戲院之際，亦不忘跟旁邊的朋友W笑說:「千其唔好俾人知我哋去睇依套戲呀...!」原因是... 光聽個片名已經夠*難*，加上我們的年紀都有一把呢! HEHEHEHEHHE~

睇戲前先看影評及故事簡介都不是我的習慣，總覺得睇戲是很個人的，某程度上是要自己有共鳴才會更投入電影裡的細節，才會覺得更加好看 (當然劇情、音樂、拍攝手法、場景佈置及演技也是好看與否的因素啦!)。不想因為別人的comment而影響自己的真正感受，想的，只是保持神秘及新鮮感。

正因為沒有期望，所以完全沒有失望。這部電影雖然不能具體地道出本身想表達的意思，但總算節奏明快，不太悶場，好笑到爆! 論演技... 的確不得不贊王袓藍的搞笑功夫，與鄭中基相比，高下立見 (事前我係完全唔知佢兩個有份做... :P)。至於女演員方面，除了那個JJ能自然地發揮她天賦的*雞*味之外，其他都沒有演技可言。如果想純粹笑過痛快，《La Lingerie 內衣少女》是一齣非常值得考慮的電影。

The Bravest Thing

Congratulations, Applegate!! Just read the news that Christina Applegate has finally conquered her breasts cancer after undergoing some treatment. According to The Associated Press, Applegate's so thankful, saying that "Absolutely 100 percent clear and clean. It did not spread. They got everything out, so I'm definitely not going to die from breasts cancer." in an interview with ABC News' Good Morning America.

She says "I was so mad," when she first heard the news. "I was just shaking and then also immediately, I had to go into 'take-care-of-business-mode,' which was ... I asked them, 'What do I do now? What is it that I do? I get a doctor, I get a surgeon, I get an oncologist? What do I do?'"

Applegate fearlessly faced to the fact that she got breasts cancer and immediately took actions to tackle the problems. She fought it out.

The news has actually reminded me of how brave and determined my mom is. Mommy got breasts cancer last year. She's calm when she first heard the news and she knew what to do. THANK GOD FOR EVERYTHING! Mom is now back in very good shape and is happy with her life!

For those who are encountering breasts cancer, just don't give in and fight off! You will be fine. God bless ya!

Dedicate to mommy: I am so proud of you! - Your son, J.

諷刺文盲 "Section J - Yahoo Recap"：堅定不移

是日精選 [堅定不移] jian ding bu yi

解釋：十分堅定，毫不動搖。多用於形容意志、立場、主張等。[移：改變]

***雖然而家依唔係一個right timing去post返依個entry，說來真係有點諷刺，不過... 我寫依個entry嗰時真係有過堅定不移嘅一刻架! :P

J例：前日唔知點解無端端响個blog度加咗*我的心情*之後，每個entry嘅字體就變晒形，完全唔係default嗰啲!! 搞到我好Q煩!! 對某啲人嚟講可能覺得係雞毛蒜皮嘅事，又何足掛齒? 但對我嚟講... 算不上大件事，不過都唔算係一件小事。因為佢原本唔係咁，就唔應該係咁! 再加上可能係我為，又可能係Yahoo個server嘅所為，更加不得不查個清楚明白! 因為如果係咁樣... 最終係會令到我放棄依個blog... !!! 基於我係一個電腦白癡，所以有關電腦上唔明嘅嘢我都係要去問人，但答案離唔開"佢要係咁都冇辦法喎... 電腦嘅嘢佢要*sought*起上嚟都冇佢*扶*..."等等... 總之一句到尾：問道於盲! 又有人話"算啦，接受佢係咁啦!" 哈哈哈... given我個電腦裡面有個software要我reinstall多次我都情願format過部腦啦，試問我又點會呢?? 雖然我好desperate，不過我堅定不移，最後send咗個email到Yahoo問過究竟搏一搏! 好好好出乎意料地轉個頭Yahoo真係覆我，仲要一來一回分別覆咗兩次咁多，喂... 星期日嗃!! MUAH.. THANKSSSS Yahoo!! 不過都係要等...

p.s./ 其實都冇諗過自己有時都幾處女(座)，但心知mentally同physically都唔係!! 嘻嘻嘻!!

諷刺文盲 "Section J - Yahoo Recap"：人各有志

是日精選 【人各有志】ren ge you zhi

解釋：每個人各有自己的志向願望。意思是不必強求一致，勉為其難。

*** 以下例子絕無歧視成份 ***

J例：今朝早到大X樂食早餐嘅時候，隔離枱有兩母女開緊城市論壇，個女超級大大大聲咁講緊佢個妹點樣不思進取選擇做寫字樓，做到成隻豬咁(當然唔係好明點解做寫字樓會變豬啦吓... 可能成日坐响到?? Anyway...)... 反過嚟，佢好proud of自己响扒房做樓面，仲話係白癡嘅先會做寫字樓!! 哈哈哈... 我心諗，thank you so much for你有如此偉大嘅志向喎! 如果冇咗你，依個世界咪冇人會捧餐囉!!! 呵呵呵... 忽然頓悟*人各有志*嘅潛在價值及其影響真係好唔簡單!!