冬...生活腳步又開始可以放慢起嚟，原因係我响1月2號嗰日quit咗先前份工，嘻嘻嘻！係，可能係快咗D，但唔啱就係唔啱，我亦冇咁嘅時間去嘥。依間咁嘅廣告公司裡面有90%嘅人 (包括嗰隻屢次反口覆舌嘅狗老闆) ... 總括嚟講都係一斑白痴！小弟自知才疏學淺，從來未聽過什麼*我話唔做就唔做*嘅道理，但事實就話俾我知喺依間公司到，依D咁無稽兼冇sense嘅道理真係work架嗃！仲萬試萬靈tim！只係我冇出色，*永遠*都講唔出口啫... 我試過無數次同佢哋去compromise，亦試過無數次去忍佢哋 (相信*忍*係我當時响公司裡面唯一嘅朋友 :P) 但始終都係事與願違。點都好啦... 雖然依份工end得唔係咁好，不過我都會take依個係一個好難得嘅機會俾我去學、去試、去睇、去諗清楚what I really want，咩工啱我，咩工唔啱我！
其實我好感謝主响我事業上面幫我安排嘅一切 (so far)，睇or聽起嚟都a-okay架，但我嘅好運並唔係嗰種坐响到又唔係咁洗點做而月入幾萬嗰D囉，亦唔係人哋諗得咁事事順利；我都要經過好多次嘅失敗，付出過唔少嘅努力先可以換嚟一點點title上面嘅虛名、okay合理嘅人工同埋少少工作上面嘅權力... 不過依D野對我嚟講已經唔會再係我嘅first priority喇！而家對我嚟講最重要嘅係我可以學到幾多、自己吸收到幾多、improve到幾多同埋份工對我嘅意義有幾大！問心嗰句，我絕對做唔到單單為咗個錢字而做一D令我覺得好悶嘅工作，依個亦都係我嘅問題。依幾年間 (尤其係2006年) 我真係學咗好多好多好多好多好多好多野，我覺得好滿足，而依種fulfillment我都唔知點形容，總之就冇白過又對得住自己啦！相信主已經預備咗一連串精彩嘅challenge俾我喇，襯依排搵工都okay得閑，我要well-equipped好自己迎接今年嘅challenge！我今年嘅目標係要有大大突破！！
聽聞07年雙子座嘅幸運物係羽毛，所以我今年嘅使命係務必要搵到屬於我嘅羽毛！(嘻嘻嘻，sounds like *翼*嘅對白huh？)
P.S.
1. 响我quit咗份工之後，有朋友refer咗份freelance俾我，個job係幫某時裝品牌(我個coin bag嗰間)translate一份advertorial！呵呵呵！希望依個係一個good sign啦！At least try something new嘛！
2. 呀呀呀... 太耐冇blog同打咁多中文，寫起嚟覺得自己又變返一個*中文盲*tim.... umm...
3. Ohhh 我要澄清我並冇任何宗教信仰，亦冇諗過要去搵個*教*俾自己去*信*同埋*仰*，以上出現嘅*主*只係我心裡面嘅一個主，maybe*J主*啦 :P
