四川第五天：十里不同天

話明standby就梗係晨咁早仆起身等通知航班嘅消息right?! 咁我哋就0630到餐廳邊食邊等安排... 直到0700，終於有最新航班嘅消息，不過... 機場就... 落雪! 嗄?! 完全諗唔到點解會無端端落雪，我哋望出窗口都只係落緊毛毛雨，而酒店同機場又唔係差好遠... um... 依獲真真正正見識到四川嘅*十里不同天*之妙! 十里不同天指十里外天氣嘅變化可以係完全唔同，仲有人話九寨溝係一個一日可見四季之地，真係點都料唔到當今世上仲有一樣嘢可媲美小弟心情嘅變化!! 呵呵呵!!

沿途到機場嘅時候，有個重慶女人講電話，佢好大聲咁講話：「這個九黃機場(即九寨溝黃龍機場)有十架飛機九架黃，還有一隻要折返!」哈哈哈哈哈哈哈哈哈... 笑Q死!!! 冇幾耐就停咗雪，最後，我哋當然好順利咁飛返香港... 希望四川嘅前景亦都會同佢嘅天氣一樣*十里不同天*啦!

四川第四天(下集)：一次難忘

行完黃龍，原定今晚搭飛機返成都，非常開心(但開心得太早...)，到咗機場冇耐就傳嚟惡號... "因天氣關係，由成都開往九寨溝的CA XXX航班暫時不能降落本機埸，航班將會延遲兩小時... (半個鐘後)... 因本場天氣未能達到飛行標準，由成都開往九寨溝的CA XXX航班將會折返成都，請到一樓拿回您的行李，若有航班更新的消息，航空公司會盡快跟您聯繫，謝謝。" 所以我哋成團人都被安排到機場附近的旅館住宿一宵，standby等消息... 最擔心嘅係成都唔係日日有機飛香港，如果meet唔到聽日嗰班咪大獲?!!

上咗旅遊巴之後，我哋一直討論航空公司會安排我哋住咩旅館，話就話4星級，但我哋都有一種不詳嘅預感!! 果然不出所料，依間酒店差到爆燈，我覺得2星級都俾多佢，環境惡劣，衛生更加唔洗講，仲有一陣濃烈嘅臭味... 一入到房，冇冷氣，隻窗又冇鎖，天花嘅燈膽只得一個係work... 床頭嗰2盞壁燈仲驚，壁燈上面有2款燈式，其中一邊嘅燈罩已經崩晒，只要用隻手指輕輕咁掂吓佢，就成個壁燈倒轉，而個燈罩就直插落枕頭中間位置，命中率100%!!! 個廁所亦唔惹少，第一眼望住佢就好似望住個公廁咁，望多一秒就好似啱啱地震完咁... 成個浴屏跌咗落嚟，個毛巾架又係咁! 小弟又人有三急，梗著頭皮都要去放放水，點知一企埋個屎塔旁邊已經聞到好*壓*，去完返出去嗰時見到門後有一塊6呎乘2呎半嘅塵，去完廁所都想嚟多個second*尿震*... :O!!

間嘢咁樣我哋當然冇住啦，於是就book咗另一間酒店住... 估唔到最後一晚响九寨溝都有一個咁難忘嘅經歷!! haha!!

四川第四天(上集)：情斷黃龍

好... 今日再創新早，0530起身，雨粉飛飛，向素有中國棉花堡之稱嘅黃龍出發...!!

可能大家都太眼訓，出發時都冇特別被brief去到黃龍會係點，所以我咪諗黃龍大概同九寨溝差唔多，唔洗點行，都係睇吓山水就算... 點知... 臨落車個導遊話：「嗱，你預個半鐘頭行吓，再用一個鐘頭落返嚟，我就唔行喇，你哋慢慢嘆!」初時我喺度諗點解佢會咁講，有啲怪味，但我冇理佢就行咗去睇吓塊地圖牌，發現原來傳說中嘅人間瑤池—五彩池—喺海拔3500米高嘅山頂，而當時我哋只係响風景區嘅門口，海拔3000米，又唔可以搭cable car，因為好易有高山症，咁到底要行幾多呢(皆因我冇idea500米實際有幾高，總之就高啦...)??! 所以初時我都係好興致勃勃咁行，好似平時行山咁，又邊行邊影...

行行行行行行行行行行行... 行到見到一個叫*金沙舖地*嘅景點，我就忍唔住去問返落嚟嘅人到底仲有幾耐會見到五彩池，阿叔話：「你現在走了三分一!」我立即面都青埋，我心諗：「天啊啊(俾少少雷聲，唔該!)!! 試問我依個弱中年又點可以孭住個7.1磅嘅beams boy包包行埋嗰三分之二呢??!!!」邊行邊自怨自艾之際，又俾我行到另一個景點*爭艷池*! 依個衰池又真係幾靚，一層一層咁，仲加埋個山景，好似一幅畫咁!! 真係靚過土耳其嘅棉花堡!! 不過我真係唔想再行，但唔行又唔得，因為我要影相交功課... 再望望錶，仲有半粒鐘，睇吓行到幾多得幾多啦...

就係咁我就經歷咗三埸突如其來嘅滂沱大雨，一嘢就跑咗上去五彩池(見圖1)! 不過都好，上咗去之後我就知道我遲啲去拉薩有望，因為拉薩喺3800米，如果上到3500米都冇問題，咁就應該冇問題!! hehe!! 之後我就用咗一粒鐘跑落山... 但係... 今次一行，我就唔見咗我上年响東京買嗰條burberry毛巾仔，因為今朝怕俾雨淋到我部全世界最好嘅相機，又驚凍親佢，所以用咗條毛巾仔去包住佢... 我哋就咁情斷黃龍... 唉! 又要搵次去日本買過... V_V"

四川第三天：踏上茶馬古道

YAWNNNN~~ 好Q眼訓，唔知點解噚晚突然失眠，攤响張床度成3粒鐘先訓到，今朝又0630起身出發到九寨溝... 想死...!!!

今次我哋住嘅酒店係位於海拔2XXX米高嘅九寨天堂洲際大飯店，酒店三面環山，好似响個峽谷中間咁，係九寨溝最新建嘅酒店。唔好以為响荒山野嶺個酒店會好雞，依間嘢一啲都唔雞，一入房真係有個*嘩*一聲嘅感覺，不過間房嘅燈光就暗咗少少! 我最鍾意個露台，前面一大堆樹木，左面一大座山，勁壯觀囉!

Hehehe! 仲有，酒店嘅老闆係一個超級車癡，响大堂前就泊咗架橙色嘅Lamborghini!!! 超型呀!! 其實由噚日落機到而家，沿途睇咗唔少風景，九寨溝so far俾我嘅感覺好似蒙古+雲南+西藏，oh right... 有好多人都叫依一帶做*東藏*，因為實在太有藏族風情!!! 九寨溝位於阿壩藏族羌族自治洲的中南部，海拔約3100米，因依度有9個藏族村寨而被命名為*九寨溝*。

九寨溝的嘅地形係個英文字母「Y」字，一共有118個翠海(翠海即係呈清藍翠綠色嘅湖泊! 當地人稱湖泊為海因為佢地鍾意海，而山上冇海!)，出名嘅如熊貓海、箭竹海、花火海、諾日朗瀑布及珍珠灘等... 而每個景點之間都有免費環保巴士坐，根本唔需要點行! 同埋正就正在而家啲人驚地震，所以冇咩人嚟，可以鍾意點影就點影!! HAHAHAHA~

不過今日行程中令我最開心嘅並唔係睇到九寨溝有幾靚，而係自己有機會踏足茶馬古道!! 寫之前本書嗰時已經有提過茶馬古道係咩，簡單

嚟講，佢係古時一條從雲南到西藏拉薩嘅小路，依山而建，蜿蜒曲折，就連1:10000嘅地圖上都搵唔到，係以往雲南與外界溝通嘅橋樑! 响搵資料嘅時候已經被茶馬古道深深吸引，好想去雲南搵一搵依條路出嚟... hehehe不過點都估唔到去九寨溝時，不知不覺就踩咗上茶馬古道嘅九寨溝段!!! 超開心!!! 呀.. 補充少少嘢，小弟問過導遊，其實而家仍然可從雲南嘅茶馬古道通往九寨溝，不過就要行三年!! hahaha.. 咁樣慢慢行，一定唔會有高山反應.. hehe!! 下面就係一啲九寨溝相，但影得最好嘅我已經留咗俾報館，可以post出嚟嘅相片質素都係一般，唔好意思! hehe :P

四川第二天：我和晶晶有個約會

今次都係我咁大個仔第一次睇熊貓，雖然海洋公園都有，但次次去到都冇衝動去睇吓，而今日終於有機會去到熊貓嘅發源地四川睇一睇，好嘢!! 今日去嘅係成都大熊貓繁育研究基地，位於成都近郊，係一間非常方便同出名睇熊貓嘅地方，而北京奧運五妖福娃之一嘅”晶晶”亦係住响依度!! 晶晶今年... 唔記得幾多歲 :P，屬成年熊貓，睇到佢就完全明白點解當初會搵佢做福娃嘅藍本，因為晶晶係一隻有過度活躍症嘅大熊貓，要不停咁玩玩玩玩玩玩玩玩玩，直至玩到肚餓先可以停落嚟，真係好Q CUTE架!!!

下午搭咗40分鐘內陸機到達九寨黃龍機場，我同包包(今次嘅旅伴又係依個黑色Beams Boy包包，見圖2，重7.1磅，我就係孭住佢四圍去... V_V")安全著陸! 九寨溝嘅天空一片蔚藍，雖然有啲涼，不過空氣非常清新，未有高山反應，只係感到呼吸有啲重... 希望旅程一切順利!

四川第一天：一切還好

2個幾鐘就抵達成都，因噚晚訓得唔好，上機又俾人編咗坐aisle seat，仲要坐响2隻壞嘅大喇叭隔嚟(因為佢地把聲實在太刺耳!!!)，唔能夠專心take個nap，實在有啲pissed... 不過算啦，無謂俾依啲人影響心情嘛! 一落機第一件事要做嘅，當然就係要望吓個天—白色，已經見唔到一*舊舊*雲，只係感覺到有一大*塊*雲壓响成都上面! @_@" <-- 飈汗!

中午放飯時，由於小弟嘅任務係見嘢就影咗先，所以第一餐食四川菜又點會放過?! 於是就安排咗上菜前先俾我去第二張枱影相! 影呀影呀影呀影呀，我又唔好意思，驚人家肚餓，咁我就叫人將影完嗰啲菜上先... 點知... 一影完返埋位就發現枱上可以食嘅全部都食晒，一件不留，團友勁冇品，嗱... 依啲就叫做"各人自掃眼前餸，莫管他人食唔飽"囉! 唉... 不過我專業同大量，畢竟依班人都要對幾日，無謂面阻阻啦，所以我冇講過任何嘢!!! SEE! That's why我去旅行係唔會跟團!

今日的行程裡面聽咗唔少關於成都嘅故事，當中最為人作熟悉嘅就梗係《三國誌》! 因為成都係三國時代嘅首都，有唔少由三國時代保存至今嘅文物同古建築，每個角落背後都有一個關於三國嘅故事。成都雖然係一座古城，但市內有特色嘅小店，超型嘅餐廳、Cafe等都絕不比北京及上海遜色! 而且成都人好nice，冇(某部分)北京人咁吋，亦冇(某部分)上海人咁狡猾，總之一切還好。

出發前都有擔心會見到一啲唔開心嘅四川人，不過嚟到之後發現其實佢哋係好積極同樂觀，好值得我哋去學習。地震後傳出唔少笑話，如... 張藝謀導演為成都拍攝宣傳片時，表達咗佢都成都嘅感覺：「成都是一座來了就不想離開的城市。」地震後，成都人就話：「成都是一座來了就逃不開的城市。」因為四川是盆地，而成都喺正中央! 哈哈! 另外，有一個老伯响災區被2位俄籍的拯救人員救出，老伯的第一句話就係：「噢，這個地震那麼厲害，把我震到國外去了!」嘻嘻嘻嘻!!! 仲有一個，有個黑人地震後從某酒店跑出嚟，而救護車剛好到場，救護人員好驚訝咁話：「嘩嘩嘩，那個人燻得這麼黑還可以跑得那麼快!!」嘻嘻! 無論笑話是真是假，從中可以睇得出佢哋想要嘅就係一點點嘅歡樂。

Reminiscence Four: Before Sunrise

Abstracted from my old blog. Entry posted on September 25, 2005.

Hollywood has movie 'Before Sunrise' shot in Paris, but I have another 'Before Sunrise' in Inner-Mongolia, China. It's not about romance, it's about EXCITEMENT!!!!

The temperature is quite different between day and night there; it's like 35-40 degree in the day, but less than 10 degree at night. Remember one night I stayed at the yurt in the steppe, right outside of mine was a campfire party held by the hordes. That night was SOOOO BEAUTIFUL, sky was clear, countless stars shining over my head, full moon with vivid moonlight. What a beautiful creation of nature!!

It was one-something in the midnight, my mates and I headed back to our yurts to get some sleep cause we gotta get up at four in the morning. GUESSSS what!! We were going to a highland where we can see the SUNRIIISE!!

As I said, it was pretty cold and dark there; we were told to drive the four-wheel mountain bike on our own to get to the highland. I was actually a little bit scared, feeling insecure and doubted how we can drive the damn bike in this unbounded steppe... what if some animals jump out suddenly??? Having 25 mins funky drive, unkind winds had messed up my hair, and my hands were sleeping cause the bike was QUITE SHAKYY!!! We finally got there, we waited for a while; suddenly, there's a man yelled, "HEYYY LOOK there it is, THE SUN'S RISINGGG!!" AHHH God, could the sun be more beautiful than that??!!

Reminiscence Three: BIG BIG Boobs Secret

Adstracted from my old blog. Entry posted on September 23, 2005.

Couple weeks ago I'd been to a so-called international exhibition in Bangkok, nearby the exhibition centers there is a mini wet-market where sells raw foodss and some of them I hadn't even seen in Hong Kong before. Here you GOooo...LADIESS, MY RECOMMENDATION - North Thai YAM.

Was told that this is the thing makes thai women's BOOOOBS BIGGER!!! According to my bud, the yam has some fiber thing that stimulate estrogenic hormone, this is why it helps extend the size of breastSS.. it really works!! If you're going to Thai later, why don't you buy some as souvenirs for your buddies and gfs??

[HMM.... there's a 'but', normally the size of this yams is very BIG, at least bigger than a baby head. Just make sure your baggage got enough space for this huh]

昂坪360

今日早上去了試玩這個昂坪纜車，又一次証明，冇料到就冇料到，點claim自己係全亞洲最長or最高纜車blah blah blah都冇用... 老實說，我真係唔覺得架纜車好高，同埋佢都好stable，完全理解唔到某些人好似好freak out咁，唔通因為今次係試玩所以佢哋怕魂斷昂坪???

我今次個package值$14x蚊，包來回纜車票及2張山上昂坪市集的影院門票，一套叫「與佛同行」而另一套叫「靈猴影院」，2套都係卡通片，畫功唔錯，mmm... 不過故事帶出的都係abc的東西啦！最難頂的就係「與佛同行」最後一幕出現了30-40個廣告牌，超級hard sell囉！！

***上車小貼士：我哋上次上車時就懶好人咁比咗班"C奶"同我哋坐同一架車，結果就出事... 全程需時25分鍾，班"C奶"就講足全程！仲要一係就dead air，一係就3、4個一齊講，3、4把聲以高中低音重疊with完全無聊的話題加埋一個密室sort of的車廂... 嘩~~ NO KIDDING喇，360 surround sound wave會死人架！

攝石蜂

呀呀呀... miss 了由某旅遊雜誌與某航空公司舉辦的 photography competition，個心真是有點不憤氣，決定把自己的作品登出來比大家欣賞一下... HAHAHA!!! 小弟之作名為《攝石蜂》，請賜教!

「泰國 Khao Yai National Park 是一個熱帶雨林，於去年夏天被正式列入為《世界文化遺產》之一，屬東南亞地區難得的天然寶庫。小弟為了親自感受一下何謂真正的大自然，於是勇闖雨林，睇下傳說中高達30至50米高的大樹、壯麗的瀑布及玩下摸黑尋動物遊戲。最難忘的，就是在攀山越領途中待拍攝小野菊之際，突然遇上一隻蜜蜂仔攝入鏡頭，令張相增添了不少大自然生氣:P 」

唉... 超級憎打中文，但無辦法，鬼叫自己想 practice 咩!