諷刺文盲：喜出望外 (中秋節快樂版)

是日精選【喜出望外】xi chu wang wai

解釋: 遇到出乎意料的好事而特別高興。(望外：期望或意料之外。)

J例: 每年嘅中秋節，BBQ對我嚟講係一個不可缺少嘅節目，因為我喜歡熱鬧，而BBQ正正可以產生出非常好嘅氣氛... 不過，前幾日我收到一個通知，由於地方問題，今個中秋節嘅BBQ要取消!!! 當時我的確有一點兒嘅失落，唉... 每逄佳節倍思春(春即指小弟尚青春嘅時候...)，不禁令我諗起以前中秋都會同一班朋友到西貢大坳門BBQ、講鬼故、發癲一番。直到今晚，我同J Family做節，我個最好朋友C話另一個朋友C個朋友K嘅屋企available，我哋可以去佢屋企燒嘢食食食食，呵呵呵呵呵呵呵呵呵呵呵呵呵~ 實在令我喜出望外，嘻嘻嘻嘻嘻!!! :P:P:P:P:P:P:P 祝大家中秋節快樂!!!

諷刺文盲：畏首畏尾

是日精選【畏首畏尾】wei shou wei wei

解釋: 前也怕，後也怕。形容怕這怕那，顧慮太多。(畏: 害怕。)

J例: 二十世紀，男歡女愛，易聚易散，實屬平常。二人戀愛，三人同床，換夫換妻，屢見不鮮。歪風氣盛，一時糊塗，是對是錯，不願置評... 不過! 做事前理應三思，如果要為一刻的歡愉而去偷食，必須勇敢地面對有可能發生的後果。若是有膽子去做，但又要驚，畏首畏尾，那你不如乾脆地去發一個春淫綺夢罷了!

Photo by someone from flickr (SORRY!! Forgot to write down your ID!!)

諷刺文盲 "Section J - Yahoo Recap"：堅定不移

是日精選 [堅定不移] jian ding bu yi

解釋：十分堅定，毫不動搖。多用於形容意志、立場、主張等。[移：改變]

***雖然而家依唔係一個right timing去post返依個entry，說來真係有點諷刺，不過... 我寫依個entry嗰時真係有過堅定不移嘅一刻架! :P

J例：前日唔知點解無端端响個blog度加咗*我的心情*之後，每個entry嘅字體就變晒形，完全唔係default嗰啲!! 搞到我好Q煩!! 對某啲人嚟講可能覺得係雞毛蒜皮嘅事，又何足掛齒? 但對我嚟講... 算不上大件事，不過都唔算係一件小事。因為佢原本唔係咁，就唔應該係咁! 再加上可能係我為，又可能係Yahoo個server嘅所為，更加不得不查個清楚明白! 因為如果係咁樣... 最終係會令到我放棄依個blog... !!! 基於我係一個電腦白癡，所以有關電腦上唔明嘅嘢我都係要去問人，但答案離唔開"佢要係咁都冇辦法喎... 電腦嘅嘢佢要*sought*起上嚟都冇佢*扶*..."等等... 總之一句到尾：問道於盲! 又有人話"算啦，接受佢係咁啦!" 哈哈哈... given我個電腦裡面有個software要我reinstall多次我都情願format過部腦啦，試問我又點會呢?? 雖然我好desperate，不過我堅定不移，最後send咗個email到Yahoo問過究竟搏一搏! 好好好出乎意料地轉個頭Yahoo真係覆我，仲要一來一回分別覆咗兩次咁多，喂... 星期日嗃!! MUAH.. THANKSSSS Yahoo!! 不過都係要等...

p.s./ 其實都冇諗過自己有時都幾處女(座)，但心知mentally同physically都唔係!! 嘻嘻嘻!!

諷刺文盲 "Section J - Yahoo Recap"：人各有志

是日精選 【人各有志】ren ge you zhi

解釋：每個人各有自己的志向願望。意思是不必強求一致，勉為其難。

*** 以下例子絕無歧視成份 ***

J例：今朝早到大X樂食早餐嘅時候，隔離枱有兩母女開緊城市論壇，個女超級大大大聲咁講緊佢個妹點樣不思進取選擇做寫字樓，做到成隻豬咁(當然唔係好明點解做寫字樓會變豬啦吓... 可能成日坐响到?? Anyway...)... 反過嚟，佢好proud of自己响扒房做樓面，仲話係白癡嘅先會做寫字樓!! 哈哈哈... 我心諗，thank you so much for你有如此偉大嘅志向喎! 如果冇咗你，依個世界咪冇人會捧餐囉!!! 呵呵呵... 忽然頓悟*人各有志*嘅潛在價值及其影響真係好唔簡單!!

諷刺文盲：欲蓋彌彰

是日精選【欲蓋彌彰】yu gai mi zhang

解釋：本想加以掩蓋，不料卻暴露得更加明顯。(彌：更加。彰：明顯；顯著。)

J例：去掩飾自己嘅缺點、短處或者係一D自己唔想俾人知嘅事係人之常情。如果你發現身邊嘅人欲蓋彌彰而你又識趣嘅話，扮唔知都不失為一件好事... 因為咁，可能佢反而感激你。

諷刺文盲：天真爛漫

是日精選【天真爛漫】tian zhen lan man

解釋：今多形容人心地純真，坦率自然，毫無矯飾、做作之態。常用於少年兒童。也作「天真爛熳」。(爛漫、爛熳：坦率自然，毫不做作。)

J例：嘻嘻... 今日去apm嘅時候，有一對情侶响我前面行緊，行行吓個男仔跌咗張100蚊落地下，跟住佢就見到張100蚊然後執返... V_V 佢以為佢自己好好彩執到，仲同個女友鬼死咁開心，認真天真爛漫呀！不過咁都幾好嘅，唔洗錢就換到*鬼死咁開心*嘅快樂，抵呀！！

諷刺文盲：一團和氣 + 解鈴還須繋鈴人

致所有嘅朋友仔...

是日精選【一團和氣】yi tuan he qi +【解鈴還須繋鈴人】jie ling hai xu xi ling ren

解釋 - 一團和氣：原指態度和藹，與人關係和睦。今多指只講和氣，不講原則，不分是非。

解釋 - 解鈴還須繋鈴人：要從老虎頸項上把鈴鐺解下來，必須還由當初把鈴鐺繋上去的人來做才行。比喻由誰去惹出來的麻煩，還得由誰去解決。

J例：朋友之間一團和氣，又有邊個唔想？如果真係唔想嘅話呀，相信大家都唔會响聚會嘅時候一齊講返以前嘅開心事啦，係咪？大家都咁大個人，意見有分歧係在所難免... 當中真係有D咩誤會嘅，一定唔會單方面架，咁唔係應該大家都出嚟傾會比較直接同埋清楚咩？事出必有因，解鈴還須繋鈴人... 如果好似上面*一團和氣*嘅解釋咁講「只講和氣，不講原則，不分是非」的話，又何來有真正大家想要嘅一團和氣嘅日子呀？

投稿版諷刺文盲：順水推舟

是日精選【順水推舟】shun shui tui zhou

解釋：順著水流推船。比喻順著情勢說話行事。也作「順水推船」。

J例：話說怪獸某公司嘅創作總監H (英文名轉譯中文叫*頭髮*，好難定義佢係先生定女士！) 同肥M臭味相投，同樣都係咁鍾意邀功同出風頭，而依間怪獸公司又咁啱好重視依類人才。既然係咁，命不久矣嘅我何不嚟一個順水推舟，助佢哋一臂之力，幫佢哋急速上位，等佢哋可以快人一步、理想達到。同公司一齊同生死，攜手走向滅亡之路 :P

諷刺文盲：畫虎不成反類狗

是日精選【畫虎不成反類狗】hua hu bu cheng fan lei gou

解釋：想畫老虎沒畫成，畫出了類似狗的模樣。比喻學習、模仿不到家，反弄到得不倫不類。也比作「畫虎類狗」。「狗」也作「犬」。(類：類似；像。)

J例：如果知道自己真係學唔到或者扮唔到某D野，只好怪自己技不如人，但依個絕唔係你嘅錯... 只係你搵咗一D唔啱你做嘅野去做，咁你又*幹嘛*要格硬咁做呢？與其畫虎不成反類狗，不如你乾脆做返自己，唔會開心D咩？

諷刺文盲：無出其右

是日精選【無出其右】wu chu qi you

解釋：沒有人能超過他，在他之上。(右：古人以右為上。)

J例：何解你識咁多野，人哋同樣識咁多野，你會覺得人哋一定識得比你少？何解你識得多老外朋友，人哋同你一樣識得咁多老外朋友，但係你會覺得自己同人哋好唔同？何解你搵到咁多錢，人哋同你一樣搵到咁多錢，你會覺得自己比起人哋高一等？

因為你份人率直？還是你只係唔識得表達自己？定係你覺得自己無出其右呀？

諷刺文盲：問道於盲

是日精選

【問道於盲】wen dao yu mang

解釋：向瞎子問路。比喻向不懂的人求教。有時用於自謙。

J例：而家好多人擺個款出嚟好似好識野咁，最難頂嘅就係佢哋都*以為*自己真係識咁多野，仲要串返你轉頭話你豬標點解咁都唔識喎... 哈哈！佢自己答返你嘅咪又係一大堆好似好有point嘅廢話！分分鍾你仲識得多過佢，當場識破佢又好似冇咩品咁... 畢竟人哋咁大個人有自尊ma... 其實問道於盲依家野都好易架咋喎！！

諷刺文盲：苦盡甘來

是日精選【苦盡甘來】ku jin gan lai

解釋：形容吃了很多苦，終於盼來了好日子。也作「苦盡甜來」。(盡：終結。)

J例：開始咗第2日嘅搵工生涯，發現搵工的確唔易！莫講話要睇吓係咩公司、咩job nature、咩title、咩價錢及有冇prospect啦，又要好厭惡咁改嗰份討厭嘅cover letter同resume... 小心翼翼咁send咗個application出去又會有些少期望，唔覆你咩... 又要諗吓邊方面出咗問題... 如果你係一個唔樂觀嘅人就仲死得快！因為唔樂觀會導致冇心機，變得意志消沈而影響你嘅生產力，就算搵到分分鐘都未必係自己想要嘅...

好彩我嘅性格都幾樂觀，而家每日除咗要做routines之外，我會睇好多課外書去equip自己... 因為我相信嚟緊份工未出現嘅原因好可能係上天覺得我未well prepared啩... 雖然而家都唔係吃D咩苦頭，但都算有認真咁付出過呀，希望將會苦盡甘(金)來啦 :P

諷刺文盲：爐火純青

是日精選【爐火純青】lu huo chun qing

解釋：相傳道家煉丹成功時，煉丹爐的火焰顯現出純青的顏色。今多比喻技藝、學問或修養達到精湛完美的境界。

J例：每次我遇到有唔公平嘅對待，我就會有咁毒就得咁毒咁去詛咒嗰D賤人、賤精、賤貨！有時會咒出口，有時就唔會... 好多時發洩完我就冇野架喇！我咒人嘅技藝已經到咗爐火純青嘅境界，最新嘅詛咒就係*鳳凰四重咒*，由佢嘅外婆開始咒起... 咒足佢四代！！！呵呵呵...

諷刺文盲：各人自掃門前雪

是日精選【各人自掃門前雪】ge ren zi sao men qian xue

解釋：比喻只顧自己的事，不去關心他人。常與「莫管他人瓦上霜」連用。「莫管」也作「休管」，「他人」也作「他家」，「瓦上霜」也作「屋上霜」。

J例：其實好多人都係各人自掃門前雪，莫管他人瓦上霜架啦... 隨住社會變得越來越複雜，人心都變得越來越複雜，好多人有咁嘅想法、動機同埋動作已經唔單只係純粹自私咁簡單... 中間可能有利益、妒忌、自信等影響因素。我認為依個係一種心理病囉，我亦都相信好多人唔多唔少係有依種問題，不過可能佢哋唔覺，又或者佢哋覺但冇膽去承認... 去面對... 去改善啩！如果响依個咁繁忙緊張虛偽嫉妒猜疑嘅生活裡面，我哋問心每日攞兩毫子誠意去真正咁關心身邊嘅人(當然唔可以成日都係你老竇老母啦，依個係你應該嘅！)，咁樣我哋嘅生活會唔會變得冇咁卑微呢？

諷刺文盲：望穿秋水

是日精選【望穿秋水】wang chuan qiu shui

解釋：眼睛都望穿了。形容盼望殷切。多用於女性對所愛的人的盼望。(秋水：秋天明淨的水。比喻人的明亮的眼睛。)

J例：記得朋友K而家個boy friend响好耐之前瞞住佢去偷食，仲要惹嗰個想俾人fuck嘅女仔返去佢哋屋企做... 最後somehow俾阿K發現，佢質問佢boy friend但佢boy friend又唔認，仲要反臺話阿K屈佢，冇耐就分手喇。隔咗好耐阿K都放唔低，話個男仔其實好perfect、對佢好好喎，所以成日响度等個男仔搵返佢... 等到望穿秋水... 終於有一日，個男仔真係打返電話俾佢認錯喇！自此之後，佢哋都好似好好咁囉.. 恭喜晒 hehe :P

P.S. 個男仔認錯嗰時，仲自爆佢嗰日冇用套嚟fuck個女仔，搞到阿K又再次發顛tim... haha!!

諷刺文盲：膽小如鼠 + 心照不宣

HI YA！！好耐冇update個blog啦... 因為小弟之前忙於考試，所以冇時間寫，嚟緊會多返D架喇！唉... 講起個考試，當日就發生咗一D頗唔愉快嘅事...

是日精選【膽小如鼠】dan xiao ru shu +【心照不宣】xin zhao bu xuan

解釋 - 膽小如鼠：形容人膽量小得像隻老鼠。

解釋 - 心照不宣：彼此心裡明白，不用說出來。(照：知曉；明白。宣：公開說出。)

J例：噚日考試嘅時候，可能有D緊張，結果响reading time嗰時我就冇咩意識咁動咗筆，寫咗一句野... 呀... 之後就仆街喇！為表我冇心咁做同埋公平，我立即撕咗嗰頁紙落嚟，然後*質*咗張紙入櫃筒囉... 臺面冇位ma！條監考員就走過嚟睇吓嗰張係咪貓紙，跟住就叫我攝返張紙入本answer book到，fine！咁咪攝囉！點知隔咗一陣，條白痴嗅化西就發作喇，無端端走埋嚟一粒聲都唔出就响我寫緊答案嗰本answer book到扯返先前佢叫我攝入去張紙出嚟睇，再次睇吓係唔係貓紙 (You Mother Fucker... 頭先你咪睇X咗囉！)。搞到我唔記得我想寫咩，完全俾佢distract晒，又嘥晒我D時間諗過喎！依條白痴嗅化西一共响分別2個唔同嘅時段做咗2次同樣動作！！

今日，我當然要投訴到佢貼唔到塊*姨媽巾*為止啦... 打去個admin到問，原來依條白痴嗅化係監考員嘅leader喎... 我咪打去同佢當面對質囉，膽小如鼠嘅佢死口唔認嗰個係佢自己，只稱呼當日嗰個係佢個同事，但佢又搞笑喎... 當我講起嗰時個情況同D細節野，佢又曉用第一身嚟response架喎！唉... 大家心照不宣啦，*撚*樣！

投稿版諷刺文盲：拍案叫絕

呵呵呵... 好開心 :P *諷刺文盲*玩咗冇一個禮拜就有朋友要嚟投稿喇！以下一則例子係由當事人V小姐提供嘅，而且仲係喺今朝發生tim...

是日精選【拍案叫絕】pai an jiao jue

解釋：拍著桌子叫好。形容非常讚賞。(案：几案；桌子。絕：沒有人能趕上的。指少有的好。)

J例：今日，公司嗰個白癡同事 (肥仔M) 又嚟一次佢嘅「每月扮病博同情演出」。為咗突顯佢嘅工作熱誠，佢雖然聲稱好唔舒服，話下晝唔可以返工，但仍然喺十分鐘之後改變初衷，喺下晝返咗工。佢嘅演技精湛，十分鐘之內佢可以由「頭暈、腳軟、標冷汗」變成「抖咗一陣好好多」，又可以用一秒時間，由沙聲 (點解「頭暈、腳軟、標冷汗」把聲會沙架呢吓？太不可思議啦！) 變回正常…呢位同事嘅精彩演出，真令人拍案叫絕。其實佢唔應該埋沒佢嘅天份，不如辭咗呢份工，去廟街擺檔啦！

唉…佢下晝返到嚟仲周圍同人講佢病，又話自己未食Lunch，攪到好似好可憐但又好盡責咁。依家仲話頂唔住，要早走去睇醫生。超！真係病得咁犀利今朝又唔死去睇醫生？！係屋企度等死咩？！

**如果你都想利用四字成語去share一D生活上嘅感受，宣洩你嘅不滿及釋放你內心嘅抑鬱，我都好歡迎你哋email嚟投稿架嗃！呵呵！

諷刺文盲：五十步笑百步

是日精選【五十步笑百步】wu shi bu xiao bai bu

解釋：從戰場上敗退下來的人，敗退了五十步的去譏笑敗退了一百步的。比喻自己跟別人有同樣的缺點或錯誤，只是程度上稍輕一些，卻去譏笑或指責別人。也比喻兩者存在的問題性質相同，只是程度上稍有差別而已。

J例：有D人鍾意笑人language差，但笑嘅人自己又唔係好好多喎，仲衰到要周不時提吓你你嘅language有幾差 (笑人o個個自己認為啦... )，咁依D人咪五十步笑百步囉... 你又冇野prove你好勁，話人唔識話自己，你咩鄉下架？你阿媽教你架？還是你阿爸呀？

諷刺文盲：本末倒置

是日精選【本末倒置】ben mo dao zhi

解釋：比喻把根本的 (或主要的) 與細枝末節的 (或次要的) 弄顛倒了。

J例：太陽花旅行社嘅老闆娘常常話要點樣去拓展業務，講到好似好有遠見咁，但偏偏佢做事嘅作風及方法本末倒置... 成日執著於好多瑣碎事上面，例如話要cut茶水間 (pantry) D雀巢即溶咖啡，因為無必要！唔知頭唔知路自己走去做media plan，出廣告出晒响D reach唔到佢嘅target audience嘅報紙度... 因為平嗃，同埋係唔係都叫人出press release，差唔多連公司爆屎渠都要出，如果冇media coverage就係你嘅錯！佢又唔曉諗吓個涵係咩嗃！冇計啦... 精明嘅佢淨係識做依D野去拓展佢嘅業務同埋信晒佢身邊嘅小人，搞到間公司好似張相咁*榭晒*。真係要為佢哋默*唉*一分鐘！

**資料由Ms V提供。

諷刺文盲：正中下懷

由今日起，小弟決定每日同大家分享一個四字成語，以最簡單、直接、輕鬆及諷刺嘅方法令大家容易掌握同運用 (**美其名係咁，不過最主要都係幫自己惡補中文 :P)！依個環節叫做「諷刺文盲」，至於點解咁叫... mmm...「諷刺」就已經解釋咗啦，而「文盲」就係... 我囉... 嘻嘻！

是日精選【正中下懷】zheng zhong xia huai

解釋：正好符合自己的心意。(下懷：自己的心意)

J例：舊公司有條PK心諗：「你個阿Jan，我想整走你好耐架喇... 哈哈，你而家無端白事自己走嗃，真係正中下懷！」

*備注：你睇得明就明，唔明就唔好X上嚟睇啦，多謝 :P